SIVE COLLECTANEA GRAECA MAJORA, AD USUM ACADEMICAE JUVENTUTIS ACCOMMODATA. CUM NOTIS PHILOLOGICIS, QUAS PARTIM COLLEGIT, PARTIM SCRIPSIT ANDREAS DALZEL, A. M. SOCIUS REGIAE SOCIETATIS EDINENSIS ; ET NUPER IN ACADEMIA JACOBI VI. SCOTORUM REGIS LITT. GR. PROF. TOMUS II. COMPLECTENS EXCERPTA EX VARIIS POETIS. EDITIO QUARTA AMERICANA, EX AUCTORIBUS CORRECTA, BOSTONIÆ : HILLIARD, GRAY, LITTLE, ET WILKINS. 1831. CUM res gestae et eventus, qui verae Historiae subjiciuntur, non sint ejus amplitudinis in qua anima humana sibi satisfaciat, praesto est Poësis, quae facta magis heroica confingat. Cum Historia vera successus rerum minimè pro meritis virtutum et scelerum narret, corrigit eam Poësis, et exitus et fortunas secundum merita et ex lege Nemeseós exhibet. Cum Historia vera obvia rerum satietate et similitudine animae humanae fastidio sit, reficit eam Poësis, inexpectata et varia et vicissitudinum plena canens. Adeo ut Poësis ista non solùm ad delectationem, sed etiam ad animi magnitudinem et ad mores conferat. Quare et meritò etiam divinitatis cujuspiam particeps videri possit, quia animum erigit et in sublime rapit; rerum simulachra ad animi desideria accommodando, non animum rebus (quod Ratio facit et Historia) submittendo. BACON. de Augm. Scient. Lib. ii. 13. |